爸爸懶理兒子診所打橫瞓玩電話　正義男一招令小朋友立即坐好

在診所內等候看醫生的病人都又累又不舒服，總希望有座位坐坐休息，但有港爸懶理兒子打橫瞓在玩電話，令老人家無位坐依然無視旁人勸告。有正義男不滿父子舉動，一招令兒子即時起身坐好，並一句話KO港爸。

診所護士「珍寶豬」今日（22日）於其facebook專頁「診所低能奇觀」發帖分享經歷，指某日診所內病人甚多，一對父子登記後，兒子拿著電話打橫瞓在櫈上。「珍寶豬」曾經出言提醒小朋友鞋會把櫈弄髒，不要橫卧在櫈上，但父子無視勸告，連望都沒有望「珍寶豬」。

隨後有一名先生帶著太太及兩位老人家到診所登記，登記後打算找位置坐休息，先生看見小朋友打橫瞓在櫈上，行前問：

請問可唔可以坐返喺度呀？俾返個位出嚟坐呀？

小朋友無視先生問題，繼續玩電話。先生再問小朋友爸爸「唔好意思，可唔可以叫你細路坐返起身呢？」小朋友爸爸竟然只淡淡然說「佢唔舒服喎」。「珍寶豬」於是拎僅餘兩張圓櫈給婆婆坐，而先生坐下後仍然看著父子二人，令爸爸開始發怒：

你望夠未呀？有得坐你就坐啦！望！人又唔夠薑，得個望字。

先生聞言後，突然走到父子面前，一聲不響轉身坐在小朋友腳上。此時小朋友大叫一聲，爸爸同時發怒大喝一句「你做乜X嘢呀？」先生於是冷靜回答：「坐呀嘛，我坐咗啦。」爸爸甚為慌張稱：「你坐住我個仔呀！起身！即刻起身呀！」

先生不理父子的怒火續斥二人：

位係要嚟坐嘅，要瞓就返屋企慢慢瞓，個細路咁大個仲周街瞓，養不教父之過呀！你唔教我幫你教呀。

最後父子二人都坐好，而兩位老人家都有位可坐。

不少網民看過分享後都稱先生做得好，又指他一句「養不教父之過」講得好，做法亦大快人心。但亦有網民指錯不在小朋友，最錯是爸爸不知如何教好兒子。